Siglir tar il cuntegn

Setgira Mancanza d'aua sin las alps

Pervia da la setgira crescha il privel che funtaunas en las muntognas tschessan. Sin tschertas alps è la situaziun uschè critica ch’ellas èn visadas vi sin helicopters che portan aua sin las alps.

Vatgas che baivan aua.
Legenda: Ina vatga dovra tenor Swissmilk tranter 50 e 100 liters aua per di. Keystone

Pervia da la setgira èn tschertas funtaunas stalivadas. L'aua necessaria vegn perquai transportada cun camiun-cisterna u cun helicopter sin las alps.

L'armada svizra è questa stad gia sgulada nov giadas en la Svizra da l'Ost cun transports d'aua sin differentas alps. Uschia ha ditg la pledadra da l'armada Svizra sin dumonda da l'agentura Keystone-SDA. L'armada porscha quests sgols gratuit. Ils sgols vegnan pajads sur il budget ordinari da l'armada, els servan sco sgols da trenament per ils pilots.

Era firmas privatas porschan dentant quest servetsch. Swiss Helicopters haja fatg dapi l'entschatta fanadur passa 20 sgols da transport, ils blers en la Svizra da l'Ost ed en la Part Sura Bernaisa.

Cura che la plievgia manca ...

Cura che la plievgia manca ...

Qua chattais tut davart la setgira en il Grischun.

RR novitads 12:00