Siglir tar il cuntegn
Inhalt

Setgira Nagina vendita da rachetas, vulcans u auters fieus artifizials

En vista a las festivitads dal 1. d'avust desistan blers grossists da vender fieus artifizials en il Grischun. Quai pervia dal grond privel d'incendis da guaud.

Rachetas e fieus artifizials.
Legenda: Tgi che vul exnum cumprar rachetas quest onn po far quai en l'Aldi. Tal venda numnadamain tut ils products. Keystone

Il Coop na desista betg mo da vender fieus artifizials en l'entir Grischun, mabain er en il Tessin ed en il Principadi dal Liechtenstein. La Migros na venda en l’entira Svizra orientala nagins fieus artifizials.

E pervi da la setgira na survegn ins quest onn er en il Manor a Cuira naginas rachetas e vulcans. La Landi venda sulettamain zulprins che fan fieu colurà. Quai demussan retschertgas dad RTR, fatgas ensemen cun il schurnal regiunal Grischun da radio SRF.

Il Denner ed il Volg n'han da principi gnanc da quests products en il sortiment.
Lidl decida la gievgia sch'els vulan vender tals products u betg. Tgi che vul exnum cumprar rachetas po ir en l'Aldi – lez venda numnadamain tut.

Cura che la plievgia manca ...

Cura che la plievgia manca ...

Qua chattais tut davart la setgira en il Grischun.

RR novitads 06:00