Siglir tar il cuntegn
Inhalt

Setgira Scumond absolut da far fieu en il chantun Son Gagl

La regenza dal chantun Son Gagl ha relaschà in scumond absolut da far fieu en il guaud u en vischinanza dal guaud. Dad in scumond general da far fieus ed era da far fieus artifizials desistan las autoritads almain il mument.

Scumond da far fieu en ils guauds ed als urs dals guauds.
Legenda: Scumond da far fieu en ils guauds ed als urs dals guauds. Keystone

Las vischnancas da l'entir chantun pon era anc relaschar scumonds pli severs ch'il chantun. Da l'autra vart ha quai pauca aua tras la setgira da las ultimas emnas. Perquai averteschan las autoritads dal Son Gagl da spargnar aua nua che quai saja pussaivel.

Glindesdi ha il chantun Turgovia relaschà scumonds

Il chantun vischin dal Son Gagl, il chantun Turgovia ha relaschà in scumond absolut medemamain en ils guauds ed al ur dals guauds. Era vegn en il chantun Turgovia renunzià sin fieus bengals il prim d’avust.

Pauca aua en il lai da Constanza.
Legenda: Pauca aua en il lai da Constanza. Keystone

Pauca aua en il lai da Constanza

Il lai da Constanza ha il mument pauca aua. Ils bastiments na pon betg dapertut, surtut sin la vart tudestga dal lai, franar sin las staziuns regularas.

RR novitads 15:00