Siglir tar il cuntegn
Inhalt

Setgira Tancs da cumbat pon charrar be pli la notg

Raschun è la chalira. Pervi da las temperaturas autas è l'asfalt pli lom ed ils tancs da 57 tonnas pudessan far donns.

Purtret d'in tanc da l'armada svizra.
Legenda: Ils tancs da l'armada svizra ston pusar durant il di. L'asfalt sin las vias pudess vegnir donnegià. Keystone

In pledader da l'armada svizra ha declerà ch'ins dischlocheschia ils tancs da cumbat enstagl durant la notg. I vegnia evaluà mintgamai individualmain cura e sur tge ruta ch'ils tancs vegnian spustads.

Marschar la bun'ura

Er en auters reguards sto l'armada far midadas pervi da la chalira: Per part dastgan ils schuldads sa vestgir pli lev, marschs ed auters strapatschs corporals vegnian per part spustads sin la damaun u la saira. Grazia a las differentas mesira n'haja dà anc nagins cas da collaps pervi da la chalira.

RR novitads 11:00