Siglir tar il cuntegn
cuntegn

Setgira Tge chaschuna la setgira?

Dapi quatter mais sa tegna ina zona da pressiun auta en il nord da l'Europa. Quella blochescha che zonas da pressiun bassa arrivan en Svizra. Ma senza quellas na datti nagina plievgia en Svizra.

Carta d'isobaras.
Legenda: La zona da pressiun auta en il nord procura dapi mais per setgira. SRF Meteo

Tenor Claudia Stocker dad SRF Meteo cumenza tut en Scandinavia. Là datti dapi quatter mais ina zona da pressiun auta relativ gronda. Quella na sa schlia dentant betg. Sco consequenza sufla il jetstream pli ferm en il nord. In'ulteriura consequenza: Zonas da pressiun bassa e frontas na cuntanschan betg pli l'Europa centrala. Senza quellas zonas na datti dentant mo paucas nivlas ed anc pli pauca plievgia.

Plievgia mo local

La plievgia da las ultimas emnas vegnivan surtut d'urizis locals. Quels èn dentant mo punctuals. Las regiuns enturn l'urizi restan setgas. Cun blera plievgia pon ins pir far quint, sche la zona da pressiun auta en il nord sa schlia. Pir lura arrivan las zonas da pressiun bassas cun plievgia fin en Svizra.

RR actualitad 12:00