En la retschertga èn las participantas ed ils participants er vegnids dumandads tge temas ch'ellas ed els vesan sco sfidas principalas per il chantun Grischun. L'enquista mussa che la politica d'energia e forza idraulica è il tema che fatschenta il pli fitg. Sin plaz dus è la midada dal clima, suenter suonda la tematica da construir ed abitar en il Grischun.
Energia tar ils burgais e midada dal clima tar la sanestra
Las participantas ed ils participants da l'enquista han inditgà tge ch'èn tenor els las sfidas politicas dal Grischun, sper quai er co ellas elegian. Uschia èsi da vesair che electuras ed electurs da la PPS, la PLD e l'Allianza dal Center vesan la politica d'energia e la forza idraulica sco sfida politica gronda en il Grischun. Quels da la PS e Verds dentant cleramain la midada dal clima. Tar ils Verdliberals è la cursa fitg stretga, cun in punct procentual prioriseschan lezs la midada dal clima avant la politica d'energia.
Partida populara
- politica d'energia / forza idraulica
- fugitivs / immigraziun / esters
- dretgs da libertad
Partida liberaldemocratica
- politica d'energia / forza idraulica
- construir / abitar / (de)centralisaziun
- competitivitad / economia
Allianza dal Center
- politica d'energia / forza idraulica
- construir / abitar / (de)centralisaziun
- midada dal clima
Partida verdliberala
- midada dal clima
- politica d'energia / forza idraulica
- sanadad / politica da sanadad
Partida socialdemocratica e Verds
- midada dal clima
- politica d'energia / forza idraulica
- protecziun da l'ambient e cuntrada
Sin in clic tut davart las elecziuns grischunas.