La polizia da la citad da Cuira ha stuì intervegnir da Silvester pervia da reclamaziuns en connex cun fieus artifizials – surtut perquai che quel è vegnì tratg en quartiers d'abitar. Ins haja stuì trametter davent pliras persunas, communitgescha la polizia da Cuira. Ultra da quai hai era dà donns da material pervia da fieu artifizial. A Cuira hai ars tar dus molocs e la fatschada d'ina chasa da scola è vegnida donnegiada. A Haldenstein è vegnì donnegià in auto ed ina fatschada d'ina chasa.
En l'ulteriura Svizra ina notga paschaivla
La notg da Silvester sin Bumaun è stada plitost ruassaivla. Quai era sche Svizras e Svizzers hajan fatg in pau party, malgrà corona, e sajan stads ensemen en in rom privat. L'agentura da novitads Keystone-SDA ha dumandà la polizia en plirs chantuns. Da Son Gagl a Turitg fin a Soloturn hai gì num che la polizia haja gì da far en il rom ordinari, senza registrar incaps pli gronds. Tscha e là hajan pumpiers stuì entrar en acziun, però mo per chaussas pli pitschnas sco sadellas da rument ch'ardevan.