La sitgira en Mesolcina ha era grondas consequenzas per ils peschs en la Moesa. Il flum n'ha nagina aua e l'uffizi da pestga sa be controllar e reagir mintga di. Pauc aua ha la Moesa er da temp en temp da stad, ma in tala situaziun extraordinaria saja l'emprima giada.
La situaziun saja precara ed insatge uschia n'haja el anc mai vis, di Marcel Michel da l'Uffizi da pestga chantunal. I haja uschè pauca aua ch'il letg dal flum tschitschia si l'aua ed il flum na curria gnanc pli. Il manaschi da las ovras idraulicas na gioghia nagina rolla, er là manchia l'aua.
Observar, controllar e reagir
Il mument saja il observar e controllar quotidian il flum la prioritad. Lura vegnian ils peschs periclitads pestgads per laschar liber els en lieus cun dapli aua. A media e lunga vista saja l'unica speranza ch'i vegnia a plover plirs dis, uschia Michel.
