Pervi da la setgira resta il privel d'incendis en las valladas talianas ed en il Tessin fitg tendì. Là vala vinavant in scumonda da far fieu en il liber. En las ulteriuras regiuns grischunas crescha il privel cuntinuadamain.
- Per il Puschlav, la Bregaglia, il Mesauc e la Val Calanca – vala vinavant in scumond absolut da far fieu en il liber (sco era en il Tessin).
- En la Val dal Rain da Cuira, en la Tumleastga ed en la Val Müstair regia in privel considerabel d'incendis da guaud e da cultira.
Dapi pliras emnas hajan las regiuns en il sid da las Alps strusch gì plievgia u naiv, avertescha il chantun Grischun. Las prognosas da l’aura na laschian era betg spetgar che la setgira en il sid sa schluchia.