A Tavau n'ha ina occurenza publica dal Forum mundial d'economia betg lieu. La raschun per questa decisiun: Cunter divers collavuraturs dal forum haja dà smanatschas – schizunt smanatschas da mazzament. In pledader dal WEF ha confermà envers l'agentura Keystone-SDA in rapport da la Südostschweiz davart questas smanatschas.
Pertutgà saja l'Open Forum dal WEF. L'emprima giada ha quel gì lieu il 2003 suenter ch'i aveva dà critica ch'il WEF succedia davos portas serradas e che burgaisas e burgais ordinaris na vegnian a savair nagut da la discussiun. Er il dispositiv da segirezza per las ulteriuras occurrenzas saja vegnì rinforzà e la posta vegnia controllada pli rigurus.