Ils uschenumnads smartspiders visualiseschan il profil politic d'ina persuna. Cun agid dal questiunari da smartvote po mintgina e mintgin en in emprim pass eruir ses spider en temas centrals da la politica en Svizra ed en in segund, guardar tge candidata u candidat ch'ha posiziuns sumegliantas.
Qua pudais er Vus as participar al questiunari da smartvote:
Ch'il socialdemocrat Peter Peyer è il pli sanester e Roman Hug il pli dretg dal sextett n'è nagina surpraisa, ma tgi è propi sin lingia da partida e nua datti tuttina particularitads?
1 / 7
Legenda:
Peter Peyer
Il candidat il pli sanester – ses profil è er pli sanester che quel da sia partida. Quai sch'i va per ina societad liberala e s'avrir vers l'exteriur e cunter memia bleras mesiras per mantegnair l'urden e la segirezza. Il spezial: Quai malgrà ch'el è actualmain il minister da giustia dal Grischun.
Smartvote
2 / 7
Legenda:
Carmelia Maissen
Ha il profil politic il pli pli sanester dal trio da l'Allianza dal Center. Quai sa mussa tar s'avrir vers l'exteriur e tar ina politica da migraziun liberala. Er ella sa differenziescha en divers temas da la lingia da partida.
Smartvote
3 / 7
Legenda:
Jon Domenic Parolini
Dals trais candidats da l'Allianza dal Center è Jon Domenic Parolini quel ch'è il pli fitg sin lingia da partida – el è politicamain tranter ses dus collegas Carmelia Maissen e Marcus Caduff.
Smartvote
4 / 7
Legenda:
Marcus Caduff
Politisescha il pli dretg dal trio – el è per ina economia fitg liberala e per mesiras che mantegnan urden e segirezza. En quests puncts correspunda ses smartspider pli fitg a quel da la PPS. Da l'auter maun sustegna el pli fitg che sia partida in stadi social extendì ed ina societad liberala.
Smartvote
5 / 7
Legenda:
Martin Bühler
N'ha betg in profil classic liberaldemocrat – en la maioritad dals temas sa divergescha sia tenuta da quella da la PLD. El è pli liberals sch'i va per s'avrir vers l'exteriur ed er en dumondas d'economia. Però pli pauc restrictiv cumpareglià cun sia partida sch'i va per la protecziun d'ambient ubain la politica da migraziun.
Smartvote
6 / 7
Legenda:
Roman Hug
È il pli dretg da tut ils candidats – el è en divers temas er in zic pli conservativ che la lingia da sia partida la PPS. Uschia per exempel quai che pertutga ina politica da finanzas restrictiva, l'urden e segirezza e cunter in stadi social extendì.
Smartvote
7 / 7
Legenda:
Hans Vetsch
È stà per in curt temp commember da la Partida liberaldemocrata – candidescha uss dentant senza partida . Ses profil na correspunda er betg ad in profil classic da la PLD. El è pli avert vers l'exteriur ed er pli social che sia anteriura partida. I sa mussan singulas parallelas cun Carmelia Maissen sco p. ex. tar la politica da migraziun.
Smartvote
Visualisar
Las posiziuns da la candidata e dals candidats per la regenza grischun vegnan era cleras sin la suandanta grafica (cliccar sin «visualisar» per vesair ils resultats).
Igl è era pussaivel da visualisar las candidatas ed ils candidats dal Cussegl grond. Per mussar be las persunas ch'ins po era eleger, selectar il circul giavischà.
Betg tuts da la partida
Avrir la boxSerrar la box
Betg tuttas candidatas e tut ils candidats prendan part al questiunari da Smartvote. Quellas u quels che n'han betg ubain anc betg respundì il catalog da dumondas na cumparan betg en ils resultats.
L'entir dossier tar las elecziuns cun retschertga in mais avant, debattas tematicas ed infurmaziuns tar las elecziuns da la regenza sco er dal Cussegl grond chattais via link quasut:
