A Soglio, en la vischnanca da Bregaglia, datti adina puspè incendis da guaud ch'èn grev da stizzar. La raschun perquai è che blers guaud èn sin spundas taissas nua ch'ins po stizzar il fieu be cun agid da helicopters, d'auto-cisternas da pumpiers u da pumpas. Ultra da quai èn ils territoris exponids vers sid e fitg sitgs. Cunquai ch'i na dat nagins lais u auals natirals, è quai in problem.
Batschigl d'aua vegn construì
La vischnanca da Bregaglia ha perquai lantschà il project «Cumbat cunter incendis da guaud Soglio». Cun quest project vul la vischnanca da Bregaglia meglierar l'infrastructura. Previs èn in batschigl d'aua da stizzar fieu cun reservuar en il territori da Tombal sur Soglio e dus idrants d'aua, sco er in attatg a l'aua da stizzar fieu. Ils custs totals sajan calculads cun 460'000 francs.
La regenza ha uss approvà quest project ed è pronta da contribuir maximalmain 368'000 francs.
