En tut il Grischun emprovan las uniuns da giuventetgna da realisar la visita da Son Niclà. Bleras èn sa decididas d’introducir in certificat da corona per quels che sa participeschan a l’usit. Per exempel è quai il cas tar l'uniun da giuventetgna da Mustér vitg. Il president da la giuventetgna Leander Etter declera ch’els veglian per tut pretsch far il plaschair als uffants cun visitar els en stiva sco usità avant corona. Perquai èn el sa decidids per il certificat. Plinavant dettia era la pussaivladad da sa scuntrar cun il Son Niclà tar la messa en la baselgia dal vitg. Uschia possian era las famiglias che na veglian betg laschar entrar il Son Niclà sa participar a l’usit.
Giuadora sco alternativa
Autras uniuns vulan era realisar la visita da Son Niclà, dentant giuadora u avant isch-chasa sco per exempel l’uniun da giuventetgna Vella u Savognin. Tenor Danilo Blumenthal, il president da l’uniun da giuventetgna a Vella giaja tranter auter durant il gir en il vitg ina persuna da la suita dal Son Niclà ordavant per guardar sche las famiglias lubeschan che tuts vegnian avant chasa.