Siglir tar il cuntegn

Header

video
Art, musica, litteratura – la cultura a Cuira è sa svegliada la sonda lunga
Or da Telesguard dals 15.11.2021.
abspielen. Laufzeit 3 minutas 48 Sekunden.
cuntegn

Sonda lunga a Cuira La cultura sa sveglia

Radund 80 programs curts datti da vesair ed udir durant la sonda lunga a Cuira. Nus essan stads a guardar intginas da quellas.

Sin las tribunas, en ils museums, galarias e bars datti da vesair bler cultura a chaschun da la sonda lunga. 21 differentas chasas preschentan davent da mezdi enfin mesanotg lur programs. La cultura è sa svegliada – era sch'ins po prender part sulettamain cun certificat.

audio
Sonda lunga: La cultura sa sveglia puspè
aus Sport ed actualitad vom 14.11.2021.
abspielen. Laufzeit 5 minutas 22 Sekunden.

Cultura per pitschen e grond

En il Museum da la natira raquinta Daniela Simeon la paraula «Il carpa dad aur». Quai fa ella cun ses teater da figuras. Varga 20 uffants cun lur geniturs en stads preschents. A la fin il giuven pestgader Tair pren d'enconuscher la feglia dal retg e marida quella. El na sa senta dentant betg bain en il palaz, uschia ch'els turnan enavos tar ses bab e vivan là ensemen cuntents.

A mai hai plaschì co l'istorgia è vegnida raquintada e ch'ils uffants han tadlà cun gronda attenziun.
Autur: In'aspectatura e mumma davart la preschentaziun da la praula

Cultura per avair buna luna

Jachen Wehrli da Cazas preschenta sin la tribuna da la Biblioteca chantunala ses toc cun il num «Il meglier bab dal mund». El raquinta a moda legra co igl è dad esser bab da trais uffants ch'èn en la pubertad. Ord ses cudesch legia el intginas passaschas e silsuenter metta el naven quel e raquinta vinavant en stil da poesia – numnà «Stand Up Poetry.»

Vid la porta da l'isch, là nua ch'i pendeva anc avant da curt maletgs abstracts malegiads cun colurs dad aua, pendan uss parolas dad odi: «Nagin'entrada per geniturs u fragliuns»
Autur: Jachen Wehrli cun il toc «il meglier bab dal mund»
Um sin ina tribuna che tegn en maun in cudesch.
Legenda: Jachen Wehrli prelegia siu toc «Il meglier bab dal mund». RTR, Carmen Monn

Cultura per las ureglias

Ils 23 giuvens e giuvnas dal ensemble Incantanti han chantà en il grond auditori da la GKB. Lur repertori cuntegn chanzuns romontschas, germanas, inglaisas e schizunt finlandaisas. Rodund ina mes'ura èn els stads sin tribuna e per ina chanzun schizunt duvrà magiels da bever.

Igl è bel da puspè dastgar sa preschentar e vesair ch'ins po uschia far plaschair a la glieud.
Autur: Christian Klucker dirigient incantanti
23 giuvens e giuvnas vid chantar.
Legenda: L'ensemble Incantanti sin la tribuna da l'auditori da la GKB. RTR, Carmen Monn

Prest 3'000 persunas interessadas per la cultura

Tenor ils organisaturs han bunamain 3'000 persunas visità las occurrenzas culturalas. Quai saja in cler signal d'in basegn cuntinuant per cultura, ha l'uniun ch'organisescha l'occurrenza culturala communitgà. Passa in quart dals bigliets haja glieud giuvna fin a 25 onns cumprà. Dad aura atunila, fraida e bletscha han las 21 instituziuns ch'èn sa participadas dumbrà en tut 11'600 entradas.

Artitgels legids il pli savens

Scrollar a sanestra Scrollar a dretga