In quart d'ura avant che la lecziun cumenza, n'è anc nagin sin la Turnerwiese ch'è situada a l'ur dal center da Cuira. Igl è 17 grads ed ins na sa betg cura ch'i cumenza a plover. Da lunsch arriva il scolast da sport Curdin Bundi da la fatschenta spezialisada sin trenaments da sport individuals «80'20». El porta tastgas emplenidas cun utensils da sport. Ensemen cun ina collavuratura reparta el 15 mattas da sport sco er in fist da bun in meter lunghezza. Plaunet arrivan las participantas ed ils participants vestgids en resti da sport ch'èn gia pronts per la lecziun da funcziunal training. Durant 45 minutas vai per trenar l'entir corp. Sco il scolast declera, dettia exercizis da forza, ma er da cundiziun e coordinaziun.
La lecziun da functional training en maletgs
Anfang Bildergalerie
Bildergalerie überspringen
-
Bild 1 von 7. L'emprim hai num da stgaudar ils musculs. Perquai tegnan las sportistas ed ils sportists cun omadus mauns in fist e sa stendan en tuttas direcziuns. Bildquelle: RTR / Yvonne Simmen.
-
Bild 2 von 7. Il scolast mussa mintgamai sco l'exercizi va, lura fan tuttas e tuts suenter. Bildquelle: RTR / Yvonne Simmen.
-
Bild 3 von 7. L'atmosfera sin il prà e concentrada, ins auda il chant d'utschels ed era ina miaivla musica. Bildquelle: RTR / Yvonne Simmen.
-
Bild 4 von 7. Tar in exercizi hai er num da giaschair en venter ed auzar levet las chommas e la bratscha. Sco ina participanta tradescha dovrian ins qua musculs ch'ins na dovria uschiglio betg en il mintgadi. Bildquelle: RTR / Yvonne Simmen.
-
Bild 5 von 7. Cura ch'il corp è a chaud po la part principala cumenzar. Durant mintgamai 40 secundas èsi da far in exercizi, lura suonda ina curta pausa avant ch'i va vinavant cun il proxim exercizi. Bildquelle: RTR / Yvonne Simmen.
-
Bild 6 von 7. Il scolast fa mintgamai era la runda. El controllescha che tuttas e tuts fan correct ils exercizis e motivescha da tegnair la dira. Per la motivaziun procura era musica cun in pulit schlantsch. Bildquelle: RTR / Yvonne Simmen.
-
Bild 7 von 7. Curt avant che la lecziun è a fina èsi anc inagiada da stender ils musculs. Il scolast accentuescha ch'i saja impurtant da sa revegnir bain. Las davosas minutas sa concentreschan tuttas e tuts tar musica ruassaivla anc ina giada sin il flad. Bildquelle: RTR / Yvonne Simmen.
Ende der Bildergalerie
Zurück zum Anfang der Bildergalerie.