Cun 29,5 grads è Cuira stà la mesemna il lieu il pli chaud en Svizra. Er en auters lieud ha Meteo Svizra mesirà temperaturas datiers dals 30 grads:
- Visp 28,9 grads
- Sion 28,6 grads
- Basilea 28,1 grads
Il sigl sur la marca da 30 grads n'hai betg dà. Er ils proxims dis quinta Meteo Svizra betg che l'argen viv surpassia ils 30 grads. Sin dumonda da l'agentura da novitads Keystone/SDA ha in pledader da Meteo Svizra declerà, ch'i saja uss marcantamain pli chaud ch'usitadamain da quest temp, daquai da 10 grads pli chaud che uschiglio il matg.
Dals 11 enfin ils 14 da matg èn ils sontgs da glatsch – las temperaturas correspundan pia betg a quels dis che permettan tenor la legenda temperaturas fraidas cun scheliras.
Ord l'archiv
video
Ils sontgs da glatsch
Or da Giuventetgna dals 14.05.2019.
laschar ir. Durada: 59 Secundas.