Sin ina spassegiada sin la Steileralp sur Sufers hai dà venderdi passà in inscunter tranter ina gruppa da viandantas e viandants e dus lufs creschids. Quai scriva l’Uffizi da chatscha e pestga.
Dus lufs creschids sajan s’avischinads sin radund 10 meters ad ina gruppa da viandants. Curt suenter haja la gruppa inscuntrà quatter ulteriurs lufs, probablamain lufs giuvens. Quels sajan suandads la gruppa e pir svanids suenter stentas repetidas dals viandants da chatschar davent els. Ils lufs èn dentant restads anc durant in temp pli lung en la vischinanza dals turists. Tenor l’Uffizi da chatscha sa tracti dals animals inscuntrads probabel da lufs dal triep dal Beverin.
L'emna passada ha il chantun fatg la dumonda a l'Uffizi federal d'ambient per regular il triep dal Beverin. Tenor quella vul il chantun sajettar trais lufs giuvens ed il bab-luf, suenter ch'il triep ha cuntonschì la limita da 10 stgarps e suenter dus inscunters privlus che la pastura da la Muntogna da Schons ha gì cun lufs.
