En il Surses èn d'eleger duas persunas en la suprastanza communala ed i dat duas candidaturas, suenter ch'il termin d'inoltrar propostas è scadì. Da nov entrar en suprastanza vul Irene Kolb da Savognin, sco la vischnanca da Surses ha communitgà. Per il segund post candidescha il suprastant d'enfin uss, Romeo Poltera.
Er per la cumissiun da gestiun è d'eleger ina persuna, qua datti dentant duas candidaturas per il post. Per l'ina candidescha Lothar Künzli da Savognin, per l'autra Ursus Sonder da Salouf per il post liber.
Las elecziuns communalas da Surses èn ils 26 da settember.