Siglir tar il cuntegn

Header

cuntegn

Sustegn da bun 120'000 francs Parcs grischuns duain vegnir pli visibels

L'uniun Parcs grischuns survegn ina contribuziun da maximalmain 122'500 francs dal chantun. Quai per realisar il project per ina preschentaziun dals parcs grischuns en l'exposiziun permanenta en il center dal Parc Naziunal Svizzer. Cun l'exposiziun permanenta duain ils parcs grischuns vegnir pli visibels. L'exposiziun permanenta en il Center dal Parc naziunal Svizzer a Zernez vegn concepida da nov ed averta l'onn 2023. Ils custs totals per realisar questa preschentaziun aifer l'exposiziun permanenta importan 177'360 francs.

Infurmaziuns sco era purtrets

Da nov duai vegnir infurmà en l'exposiziun er davart ils parcs natirals grischuns, davart il patrimoni natiral mundial da l'Unesco Arena tectonica Sardona sco er davart il reservat da biosfera da l'Unesco Engiadina Val Müstair. Planisà èsi d'infurmar dal center sur ina paraid da projecziun interactiva. Previsas èn d'ina vart infurmaziuns generalas e da l'autra vart vegnan integrads purtrets dals parcs grischuns.

Ord l'archiv

Ils Cuntrasts han accumpagnà Steivan Luzi en ses prim onn sco guardiaparc en il Parc Naziunal Svizzer.

video
Il guardiaparc – l’emprim onn da Steivan Luzi en il Parc Naziunal
Or da Cuntrasts dals 30.05.2021.
laschar ir

RTR novitads 11:00;

Artitgels legids il pli savens

Scrollar a sanestra Scrollar a dretga