Siglir tar il cuntegn

Header

video
Nova staziun da tren per Cuira Vest
Or da Telesguard dals 05.05.2022.
abspielen. Laufzeit 1 minuta 28 Sekunden.
cuntegn

Svilup dal quartier Staziun da tren per Cuira Vest

Il quartier Cuira Vest sa sviluppescha cuntinuadamain – bainbaud nescha en il vest da la chapitala grischuna in nov center urban. Per tegnair quint a quest svilup e per garantir la mobilitad, prendan la citad da Cuira e la Viafier retica a mauns in project a lunga vista: Ina nova staziun moderna duai remplazzar la fermada dal tren actuala. L'onn 2026 è planisada l'avertura.

audio
Nova staziun remplazza fermada a Cuira Vest
aus Actualitad vom 05.05.2022.
abspielen. Laufzeit 4 minutas 41 Sekunden.

La fermada Cuira Vest exista dapi 20 onns e na correspunda betg pli als basegns d'ozendi, ha il directur da la Viafier retica Renato Fasciati accentuà a la preschentaziun dal project. En l'avegnir duai la staziun esser in center da traffic per la viafier, bus, auto da posta, peduns e velocipedists. Quai munta era che l'areal è accessibel per persunas cun impediments.

Visualisaziun da l'areal per la nova staziun a Cuira Vest
Legenda: Modern ed accessibel per tuttas e tuts – quai è il concept per la nova staziun. Citad da Cuira

Project da 60 milliuns francs

En total custa la nova staziun a Cuira Vest bun 60 milliuns francs. La citad da Cuira quinta cun ina cumpart da 20 milliuns vi da questas investiziuns. Entras differentas contribuziuns possian ins dentant quintar la finala cun custs da bun 10 milliuns ord la cassa da Cuira, uschia la suprastanta responsabla Sandra Maissen.

Sco proxim decida il parlament da Cuira davart il project e la fin da settember la populaziun da Cuira. Sche tut va tenor plan vegn la nova staziun a Cuira Vest averta la stad 2026.

Plan dal svilup a Cuira Vest
Legenda: Il quartier Cuira Vest sa sviluppescha ad in veritabel center – amez duai la staziun vegnir construida. Citad da Cuira

RTR novitads 11:00

Artitgels legids il pli savens

Scrollar a sanestra Scrollar a dretga