Siglir tar il cuntegn

Svizra 1’000 Rumantschs a Turitg

A Turitg vivan il mument radund 1’000 Rumantschas e Rumantschs. Quai resulta da las novas cifras da l'uffizi da statistica da la citad da Turitg.

Persunas che spetgan sin il tram a Turitg.
Legenda: Turitg resta la citad cun ils blers Rumantschs ordaifer il Grischun. Keystone

Tranter il 2011 ed il 2013 eran quai anc 1’088 Rumantschs. Ils onns 60 fin 80 schizunt radund 2’500.

La citad da Turitg vala tradiziunalmain sco center da las Grischunas e dals Grischuns che discurran rumantsch. Nagliur auter ordaifer il Grischun datti uschè blers Rumantschs sco en la citad da Turitg. La gronda part da questas persunas èn students tranter 20 e 24 onns.

RR novitads 11:00