Cun agid da las calculaziuns possian ins schazegiar tge regiuns ch'èn periclitadas il pli fitg. Uschia sappian ins metter prioritads per proteger. Ils rodund 270'000 bajetgs en zonas periclitadas d'aua gronda han ina valita da nov da 480 milliardas francs.
Spezialmain periclità d'innundaziuns èn il Vallais, la Sutsilvania, la Vallada dal Rain da Sogn Gagl e la regiun enturn Burgdorf, chantun Berna. En questas regiuns daja vischnancas nua che 80% dals bajetgs sa chattan en zonas periclitadas.
Sch'ins guarda las cifras absolutas, vivan millis persunas en citads ch'èn en zonas periclitadas. Sur tut Turitg, Son Gagl, Sion, Winterthur, Luzerna e Biel. A Turitg vivan bunamain 80'000 persunas en 4000 bajetgs ch'èn periclitads. La pli gronda citad svizra ha il 2015 dumbrà 410'400 abitants.
RR novitads 12:00