Radund 1’200 persunas han inoltrà ina dumonda d’asil il mais passà. Quai correspunda ad ina reducziun da 13,2% cumpareglià cun il mais precedent e 29,4% cumpareglià cun l'avust 2017, sco quai ch’il Secretariat da stadi per la migraziun ha communitgà.
Sco raschun numna il secretariat il bass dumber da fugitivs ch'arrivian en l'Italia. Er en la Spagna e la Grezia saja il dumber sa reducì.
Las bleras dumondas d'asil hajan persunas oriundas da l'Eritrea, la Siria, l'Afghanistan, la Tirchia e l'Irac tschentà.
RR novitads 12:00
