Ils ultims onns hai dà damain telefons da reclama nungiavischads. Ils ultims set onns èn ils recurs en connex cun tals telefons sa reducids per passa 80% – concret da bunamain 27’908 sin 2'714 en l'emprima mesadad da l'onn 2022, quintà sin l'entir onn, var 5’500. Quai mussa ina valitaziun da l’allianza da las organisaziuns per la protecziun da consuments. La protecziun da consuments attribuescha quest svilup surtut al diever da filters per ils telefons da reclama ed a leschas pli severas. Dapi il 2012 èn telefons da reclama chastiabels – sch'igl è inditgà en il cudesch da telefon ina stailina che munta che tals telefons n'èn betg giavischads.
Per reducir vinavant ils telefons nungiavischads fissi impurtant, tenor la presidenta da l'organisaziun per la protecziun da consuments, Nadine Masshardt ch'ils filters cunter ils telefons da reclama èn activads automaticamain. Fin uss n'è quai numnadamain betg il cas. Tar Swisscom e Sunrise stoppian ils clients activar sez quels.
Or da l'archiv
