Siglir tar il cuntegn
cuntegn

Svizra 1 minuta cun 61 secundas

La notg dals 30 da zercladur sin ils 1 da fanadur 2015 dura ina secunda pli ditg. Questa secunda basesta dovri, pertge ch'il mund sa storscha in zic memia plaun. Dapi tschientaners dura in'ura 86'400 secundas. Quai correspunda al temp che la terra dovra per girar ina giada enturn sia atgna axa.

tur baselgia cun l'ura gronda
Legenda: Era las uras baselgia ston gulivar questa notg il temp per ina secunda. Keystone

Il temp da questa rotaziun n'è dentant betg constant, perquai è l'onn 1967 vegnì definì da nov la lunghezza dad ina secunda. Quai è la uschünumnada secunda d'atom. Il temp d'atom ed il temp astrologic van dentant in pau dapart e perquai dovri mintga pèr onns ina secunda bisesta.

Ultima giada avant 3 onns

La davosa giada hai dà l'onn 2012 uschia ina secunda supplementara. Lura eran divers sistems da computers surdumandads. Diversas paginas d'internet n'han betg pli funcziunà ed il sistem da cudaschar sgols da la societad aviatica australiana Qantas era crudà ora parzialmain.

Sch'i dat era en l'avegnir anc questa secunda basesta è dentant avert. Il november vul il gremi responsabel da l'Institut federal da meteorologia discutar sch'i duai dar era en l'avegnir la secunda ni sch'ins vul abolir ella.