Svizra - 1 mort ed 8 blessads en Svizra tras l'orcan «Niklas»
Quai las consequenzas da l'orcan «Niklas» en Svizra. La polizia chantunala turitgaisa ha confermà la mort d'ina persuna ad Andelfingen, senza numnar detagls da la disgrazia.
Legenda:
Unitads da salvament vid metter sin las rodas in camiun cupitgà sin l'autostrada A1 tar Sirnach.
PoCha TG/Daniel Metzler
2 / 5
Legenda:
Ils vents burasclus han buffà sin la via in toc dal tetg da sturs d'ina baselgia a Turitg - 3 autos èn sut il tetg che paisa tschients kilos.
Keystone
3 / 5
Legenda:
Ils vents han cupitgà tut quai che n'è betg stà fermà, sco qua era in container sin in trottuar bloccà en il circul 6 a Turitg.
Keystone
4 / 5
Legenda:
In bajetg d'abitar a Littau (LU) ch'è donnegià dals vents tras la zona da pressiun bassa "Niklas".
Keystone
5 / 5
Legenda:
A Littau (LU) è la fassada dal bajetg donnegiada massiv.
Keystone
Pliras viafiers e pendicularas han stuì sistir il manaschi per precauziun - tranter questas era la viafier Matterhorn-Gottard tranter Andermatt e Mustér.
Ils differents posts da polizia en Svizra han registrà enturn 200 annunzias da donns. Donns tras plantas ch'èn crudadas, differents tetgs-chasa ch'èn vegnids sdrappads davent. Pliras pendicularas avevan sistì lur manaschi.
La pli auta spertadad ha Niklas cuntanschì sin il Crap Masegn sur Laax. Tenor Meteonews ha el buffà là mardi bunura cun 164 kilometers l’ura.
