Siglir tar il cuntegn

Header

cuntegn

1. semester Schindler: Vendì dapli, gudagnà pli pauc

Il constructur d’ascensurs e da stgalas rullantas Schindler ha fatg damain gudogn l’emprima mesadad dal 2019 che l'emprima mesadad da l’onn passà, scriva l'agentura da novitads SDA.

Il gudogn saja sa reducì per 16% sin 436 milliuns francs, citescha la SDA da la communicaziun da Schindler. La svieuta percunter saja creschida per 3,3% sin bun 5,43 milliardas francs. Tenor Schindler haja quai da far tranter auter cun custs pli auts per pajas e material.

Ils emprims sis mais ha Schindler pudì meglierar las empustaziuns. Sco quai ch'il concern communitgescha, saja quel s'augmentà per 3,8% sin 6,09 milliards francs.

Cun las cifras preschentadas ha Schindler cuntanschì stgarsamain las spetgas dals analists.

RR novitads 09:00