L'onn passà èn ils museums svizzers sa revegnids da la pandemia da corona. Quai mussa in rapport da l'Uffizi federal per statistica che ha dumandà per la statistica 1'081 museums.
Ils museums han registrà 77% dapli occurenzas, 44% dapli visitas cun guids e 26% dapli entradas. Concret vul quai dir: Ils museums han nudà 10,3 milliuns entradas. Quai è dentant anc adina lunsch davent da las 14,2 milliuns entradas da l'onn 2019, pia avant la pandemia.
Dependent da voluntarias
40% dal persunal en museums svizzers lavura voluntari – quai èn 7'500 persunas. Voluntaris lavuran en 64% dals museums.
Dals emploiads e las emploiadas èn 62% dunnas, quella cumpart è schizunt pli auta en museums d'art, dentant pli pitschna en museums tecnics. Che las 11'400 emploiadas prestan dentant be 6'000 plazzas cumplainas demussa ina gronda cumpart da plazzas a temp parzial.
