Avant il tunnel dal Gottard datti gia dapi questa damaun a las 4:00 colonnas. Il traffic sin l'autostrada A2 avant il portal dal nord stagna il mument sin ina lunghezza da 10 kilometers, communitgescha il servetsch da traffic Viasuisse.
Il temp da spetga en direcziun sid muntia cunquai radund duas uras. Sco via alternativa cusseglia il servetsch da traffic l'autostrada A13 sur il San Bernardino.
Gia il venderdi la bunura era sa furmada l'emprima colonna a Göschenen. Il suentermezdi aveva quella lura cuntanschì il zenit cun ina lunghezza da 7 kilometers.
