Siglir tar il cuntegn

Header

cuntegn

10 raps pli char aifer in onn Pretschs da cafés cuntanschan novas autezzas

In café en l'ustaria è char sco anc mai en Svizra tudestga. Il pretsch per in café crème saja s'augmentà quest onn per 3% u per 10 raps sin bun 4,5o francs, communitgescha la federaziun d'interess Cafetier Suisse.

Aifer 10 onns è il pretsch da café uschia creschì per 36 raps. La federaziun Cafetier Suisse ha fatg in'enquista tar 650 cafés en Svizra.

Il pli char café hai dà a Turitg, per 6,50 francs, tenor l'enquista. En il chantun Turitg custa il café en media 4,78 francs. Main char è el a Berna cun 4,35 francs.

L'onn proxim vegn in café a custar anc dapli. Ins quinta cun in augment dal pretsch 5 fin 15%. L'augment dals custs vegn cunzunt da pli auts pretschs accessorics e custs da persunal.

RTR novitads 09:00

Artitgels legids il pli savens