Siglir tar il cuntegn

Header

cuntegn

Svizra 11 milliardas francs per la collavuraziun internaziunala

Tant vul il Cussegl federal dar ora ils proxims quater onns. En il focus da la strategia èn il cumbat cunter la paupradad, la promoziun da la pasch ed il svilup persistent.

audio
Messadi Cussegl federal agid al svilup
ord Actualitad dals 17.02.2016.
laschar ir. Durada: 1 minuta 20 Secundas.

Cun las 11 milliardas francs per la perioda dal 2017 fin il 2020 è il Cussegl federal levamain sut la quota da 0.5% agid da svilup public, proponida dal parlament.

Rinforzar vul il Cussegl federal cunzunt l'emprem agid en lieus nua ch'i fa basegns. Tras quai possian ins tranter auter era gidar meglier ils milliuns da fugitivs en il proxim orient.

Las 11 milliardas francs duain vegnir repartidas sin tschintg credits da rama:

  • agid humanitar
  • cooperaziun al svilup
  • mesiras per l'economia e la politica da commerzi
  • collavuraziun cun l'Europa da l'ost
  • promoziun da la pasch

Cun ina buna cumbinaziun dals meds porschia la Svizra maun a la schliaziun da las pitgiras actualas e per cumbatter crisas, conflicts, la midada dal clima, paupradad ed inegualitads socialas, uschia il Cussegl federal. Quai gidia er a prevegnir moviments da fuigia.

RR novitads 18:00

Artitgels legids il pli savens