La probablamain pli veglia Svizra Alice Schaufelberger è morta a Turitg en la vegliadetgna da 112 onns. La chasa da tgira ha confermà rapports da medias davart la mort da la dunna. Ella è morta ils 16 da november 2020.
Legì bibla cun lupa
Alice Schaufelberger è naschida ils 11 da schaner schaner 1908 en il chantun Argovia. La trapassada a passentà la pli gronda part da sia vita en la citad da Turitg. Ses 110avel anniversari, l'onn 2018, aveva ella dentant festegià a Winterthur damai che la chasa d'attempads a Turitg-Seebach era gist en renovaziun. La fin haja la dunna legì la bibla cun ina lupa. Ella saja stada ina dunna cuntenta e da bun cor. Ella saja adina stada fitta en il spiert.