Svizra - 12 fugitivs han suttetg tar l’uvestg Felix Gmür
L'uvestg da la diocesa da Basilea, Felix Gmür, ha recepì 12 requirents d'asil en ses chastè Steinbrugg a Soloturn. Ils fugitivs vegnan tgirads dals uffizis socials da la citad da Soloturn.
Tenor la diocesa sa tracti da 4 dunnas da l'Eritrea cun 5 uffants, sco era d'ina famiglia cun in uffant da la Siria. I saja ina gruppa maschadada da Cristians e Muslims.
L’uvestg Gmür aveva annunzià l’entschatta settember ch’el recepeschia fugitivs. L’emprim han ins dentant stuì adattar diversas stanzas en sia sedia. Selecziunà ils fugitivs ha la citad da Soloturn.
