La panna è sco para capittada gia a las 15:30. La saira eran gia rodund 50 da las 130 persunas spendradas, sco quai che l'agentura da novitada Ansa rapporta. La pendiculara cun cabinas da 12 è para sa fermada pervi d'in defect, quai scriva il manaschi sin sia pagina da Twitter. Tut las mesiras d'urgenza sajan iniziadas e nagin saja en privel. Da tge defect ch'i sa tractia n'è betg vegnì precisà.
La pendiculara a Cervinia, datier dal cunfin svizzer, collia Plan Maison sin 2'550msm e Cime Bianche Laghi sin 2'800msm. En paucas uras duai l'evacuaziun esser a fin. Il vent saja ferm ed i saja fitg fraid. La situaziun saja dentant sut controlla.
RR novitads 20:00