La Svizra far er vinavant pajaments en il fond dal clima internaziunal. Il Cussegl federal ha concedì ina summa da 135 milliuns francs per ils proxims quatter onns. Uschia fetschia la Confederaziun ina prestaziun en vista a las sfidas che creschian en connex cun il clima, hai num en ina communicaziun.
Il «Green Climate Fund» è il fond il pli grond dal mund che s’engascha per il cumbat cunter las consequenzas da la midada dal clima. Cun sustegnair quest fond adempleschia la Svizra sias obligaziuns da la Cunvegna da Paris davart il clima.
