Siglir tar il cuntegn
cuntegn

Svizra 14% da la surfatscha è cultivada a moda biologica

Sco l'uffizi federal per statistica ha annunzià, è 14% da la surfatscha d'agricultura en Svizra vegnida cultivada a moda biologica il 2017. La surfatscha correspunda a la grondezza dal chantun Lucerna.

Pur da bio.
Legenda: Tranter il 1990 ed il 2017 è il dumber da manaschis biologics creschì massiv. Keystone

Tranter il 1990 ed il 2017 è er il dumber da manaschis biologics creschì massiv. Il 2017 vegnivan 6'638 manaschis u radund 13% da las purarias cultivads tenor l’Ordinaziun davart l’agricultura biologica dal 1997. L'onn 1990 eran quai be 900 manaschis u 1% da las purarias. Durant ch'ils manaschis purils da bio han ils davos onns prendì tiers è il dumber da purarias totalmain sa reducì da 92'815 sin 51'620.

20'590 emploiads

Sin ina puraria da bio lavuran en media 3,1 persunas, sin ina puraria convenziunala be 2,96%. Totalmain han 20'590 persunas lavurà il 2017 sin ina puraria da bio, da quellas persunas 8'529 en temp cumplain.

RR novitads 17:00