Svizra - 14 onns praschun per Tom Hayes, anteriur collavuratur da l'UBS
A Londra ha ina dretgira sentenzià Tom Hayes, in anteriur collavuratur da la banca svizra UBS, a 14 onns praschun. Avant aveva la giuria declerà culpabel l'um da 35 onns d'avair manipulà tschains en 8 cas. Pervi da las manipulaziuns avevan las bancas stuì pajar milliardas.
Hayes ch'aveva lavurà per la UBS e per la banca americana Citigroup è stà tenor las autoritads britannicas in dals tirafils tar manipulaziuns d'impurtants tschains sco il libor. La finamira dals malfatschents era da survegnir auts bonus.
Cun Hayes è per l'emprima giada ina persuna singula en il scandal mundial da tschains stada avant la dretgira. Tenor las inquisiziuns era Hayes en il center d'in cartell da commerciants che cumpigliava almain 10 bancas.
