cuntegn
Svizra
-
14 parlamentaris sa reunids a gruppa da plurilinguitad
A Berna èn 14 politichers sa reunids ad ina gruppa da parlamentaris «Plurilinguitad CH». La finamira saja da mussar a lur collegas dal Cussegl dals chantuns e dal Cussegl naziunal la muntada e la particularitad da questa caracteristica svizra.
President da la gruppa è il Cusseglier dals chantuns da la Partida socialdemocratica Hans Stöckli. Per la part rumantscha fa il Cusseglier naziunal Martin Candinas part. Ils commembers derivan da tut las regiuns linguisticas e da tut las partidas.
RR novitads 09:00
