Siglir tar il cuntegn

Header

cuntegn

140 sgols Rega en acziun per blessads sin pista

La bell'aura ha carmalà la fin d'emna massa persunas sin pista. Confurm a quai è er la Rega stada en acziun savens. Da sonda bun'ura enfin dumengia saira han ils helicopters da la Rega stuì sgular 140 giadas.

Cun dus terzs dals sgols ha la Rega transportà sportists d'enviern ch'han gì in accident, scriva la Guardia aviatica svizra da salvament. Il pli bler en acziun è la Rega stada en la Svizra Orientala ed en l’Oberland Bernais. Mintg'onn transporta la Rega tut en tut 1'300 fin 1'700 persunas suenter in accident da sport d'enviern.

Ord l'archiv

La Rega planisescha ina nova basa a Tavau. Sper quella da Samedan e da Vaz Sut fiss quai la terza basa en il Grischun. La stad passada han il landamma da Tavau, represchentants da la Rega e da l'Uffizi federal da l'aviaziun civila BAZL dà pled e fatg. Er questa nova basa da la Rega è in project dispitaivel. Ils arguments principals èn l'utilisaziun commerziala, las emissiuns sco er ils disturbis per ils abitants ed il turissem.

video
La nova basa da la Rega a Tavau è in project dispitaivel
Or da sil punct dals 02.07.2019.
laschar ir

RTR novitads 12:00

Artitgels legids il pli savens

Ir a sanester Ir a dretg