Il Cussegl naziunal ha acceptà il credit da basa per la protecziun da l'ambient globala. Quai cun 130:65 vuschs. Il Cussegl dals chantuns ha acceptà quest credit schon avant il november passà.
Cun ils 148 milliuns francs po la Svizra ademplir las obligaziuns internaziunalas. Quai èn tants sco era durant ils ultims quatter onns. 118 milliuns francs van al fond internaziunal d'ambient GEF. Il rest van en dus fonds da clima ed in fond d'ozon.
Il GEF ha dapi l'onn 1991 investì 16 milliardas dollars en pajais da svilup. Cun quels raps han els sustegnì projects da protecziun dal clima, biodiversitad sco era protecziun d'aua e terrain.
RR novitads 11:00