La branscha d’occurrenzas quinta che 15'000 events giajan en Svizra quest onn dal Rain giu, quai scriva il «Sonntagsblick». La gasetta sa referescha ad ina retschertga da pliras associaziuns professiunalas. Era quest onn muntia la svieuta mo a radund 2,5 milliardas francs – circa tuttina bler sco l’onn passà.
En cumparegliaziun: Avant la pandemia hajan ils organisaturs dad occurrenzas anc fatg ina svieuta da 5,6 milliardas francs. Era occurrenzas ch’hajan lieu na cuvrian savens betg ils custs. Dapi l’entschatta da la pandemia sajan radund 6'000 plazzas da lavur idas a perder.