Siglir tar il cuntegn

Svizra 15’000 lavurers pretendan nov contract da lavur collectiv

15'000 lavurers da construcziun han pretendì questa sonda a Turitg in nov contract collectiv naziunal da lavur.

demonstraziun dals lavurers a turitg
Legenda: Var 15'000 lavurers da construcziun han demonstrà a Turitg per avertir ils impressaris. Keystone

Clamà a la demonstraziun avevan ils sindicats Unia e Syna. Ils demonstrants han reproschà als impressaris da periclitar la pasch sociala cun refusar tractativas.

Associaziun svizra dals impressaris vul cuntinuar contract actual

La fin da quest onn scada il contract collectiv naziunal da lavur che reglescha las cundiziuns per var 80'000 lavurers. L'Associaziun svizra dals impressaris vul cuntinuar il contract actual e refusa da negoziar cun ils sindicats davart meglras cundiziuns. Las reproschas dals activists dals sindicats derasadas a la demonstraziun sajan «ipocritas», scriva l’Associaziun svizra dals impressaris en ina communicaziun.

Discutar megliuraziuns

Ils sindicats na vulan però betg prolungar il contract da lavur da fin qua. Els vulan discutar davart megliuraziuns. Tranter auter pretendan els ina meglra protecziun dals lavurers tar trid'aura, la garanzia da la renta tar pensiunaments anticipads, sco er ulteriuras mesiras cunter «dumping da paja».

RR novitads 16:00