En tut eran l’emprim da zercladur 2017 stgars 65’000 abitaziuns vitas quai è en cumparegliaziun cun l’onn avant in plus da 15%. Uschè blera abitaziuns vitas n’ha quai anc mai dà en Svizra.
La cifra da las abitaziuns vitas è en tut las set regiuns grondas da la Svizra creschida. La cifra crescha dapi otg onns cuntinuadamain.
Chantun Soloturn cun las pli bleras abitaziuns vitas
Las bleras abitaziuns vitas sa chattan en il chantun Soloturn. Là èn 2.89% da las abitaziuns vitas. Suandà dal chantun Appenzell Dadens (2.36%) ed il chantun Argovia (2.34%). Las pli paucas abitaziuns vitas ha quai en il chantun Zug. Là èn 0.43% da las abitaziuns betg abitadas. Basilea-Citad (0.5%) e Genevra (0.51%) suondan sin ils plaz dus e trais.
Dapli chasas d'ina famiglia e novas abitaziuns vitas
Il 1. da zercladur 2017 han ins dumbrà 6'785 chasas d'ina famiglia vitas. Quai èn 262 u quatter pertschient dapli che l'onn avant. La cifra da novas abitaziuns betg abitadas è creschida entaifer in onn per 1'296 unitads, quai èn var 15 pertschient dapli. Totalmain eran il di da tagl 10'064 novas abitaziuns betg occupadas.
RR novitads 12:00