1’125 persunas han bandunà l’onn passà voluntarmain quest mund cun sustegn da l'organisaziun Exit. Cumpareglià cun il 2021 saja quai in augment da 15%, ha communitgà l’organisaziun d’assistenza al suicidi. Er il dumber da las commembras e dals commembers da l’organisaziun da non-profit saja s’augmentà per passa 17'000 sin 154'000. Ed il trend cuntinuescha – fin la fin da schaner hai gia dà 2'200 novs commembers e novas commembras.
L'opziun d'accumpagnar a la mort, restia in ferm basegn en la societad che vegnia adina pli veglia. En media hajan las persunas accumpagnadas a la mort gì 80 onns. Tenor Exit pativan 37% da las persunas ch’han vulì murir da cancer en il stadi final. E sco gia ils onns avant, han dapli dunnas che umens laschà assister a la mort – radund 76% da tut las persunas èn mortas en l'agen dachasa.
Or da l'archiv
Sche insatge viva en ina chasa da tgira n'èsi betg adina pussibel da decider sez sch'ins vul bandunar voluntarmain quest mund:
