Siglir tar il cuntegn

Svizra 15 milliuns l'onn dapli per giuvens che fan sport

La Confederaziun duai impunder dapli daners per giuvens e giuvnas che fan sport da prestaziun.

Purtret dal center da sport a Tenero.
Legenda: Tranter auter duess er il center da sport a Tenero survegnir ina meglera infrastructura. Keystone

Per ils giuvens e las giuvnas che fan sport da prestaziun duai la Confederaziun impunder supplementarmain 15 milliuns francs l'onn. En quest senn ha il Cussegl dals chantuns curregì il plan d'acziun dal Cussegl federal, co promover il sport.

Il plan prevesa dapli meds finanzials per Giuventetgna e sport. Plinavant duai l'infrastructura en ils dus centers da sport a Tenero en il Tessin ed a Magglingen sper Bienna vegnir schlargiada.

La promoziun dal sport da prestaziun duai dentant restar sco fin qua. Ils meds finanzials da la Confederaziun na laschian betg tiers d'auzar er questa contribuziun.

RR novitads 20:00