Dapi che la Svizra ha introducì l'entschatta mars l'obligaziun d'annunzia datti 16 cas dal virus Zika. Perquai che mo paucs dals infectads mussan sintoms e van tar il medi, pudess il dumber dals pertutgads esser marcantamain pli aut.
Tar ils 16 cas sa tractia da cas confermads dal labor, ha ditg Patrick Mathys, manader da la secziun per dumagnar crisas e collavuraziun internaziunala. Tuttas 16 persunas èn returnadas d'in viadi en l'America dal Sid nua ch'il virus è derasà.
