17 persunas èn vegnidas blessadas tar l'accident, tranter ellas il chauffeur da tram. Ellas èn vegnidas transportadas en l'ospital. Uschia in pledader da la Polizia chantunala da Basilea-Citad envers SRF. Tenor la polizia è nagin en privel da vita. La polizia ha discurrì da blessuras levas fin mezgrevas. La gronda part da las persunas blessadas seseva en il tram.
Andament da l'incident
L’incident è capità enturn las 11 en il center da Basilea, sin la cruschada Margarethenstrasse/Dornacherstrasse, datiers da la staziun da tren. In tram da la lingia 2 è siglì ord ils binaris suenter ch'el è cupitgà cun in bus da la lingia 36. Plinavant saja in auto stà involvì. L'andament da l'accident vegnia intercuri.
RR novitads 15:00