Svizra - 17 milliuns francs pli pauc per il Grischun
Il Cussegl federal ha approvà la revisiun parziala da l'ordinaziun davart la gulivaziun da finanzas e da las grevezzas. Quella cuntegna ils pajaments da gulivaziun da l'auter onn che sa basan sin las cifras provisoricas da l'onn actual.
La Confederaziun ed ils chantuns ritgs mettan tut en tut passa 3,8 milliardas francs a disposiziun per ils chantuns pli flaivels. Il Grischun survegn uschia passa 258 milliuns francs. Quai èn dentant radund 17 milliuns francs pli pauc che quest onn.
Barbara Janom Steiner, la ministra da finanzas dal Grischun, aveva gia quintà cun quella summa ed uschia era resguardà per il budget chantunal dal 2016.
