Siglir tar il cuntegn
Inhalt

Svizra 170 portgs crappan durant incendi ad Arth

Tar in incendi en ina stalla ad Arth en il chantun Sviz èn crappads 170 portgs. Il fieu saja rut ora curt suenter mesa notg per raschuns anc betg enconuschentas, communitgescha la Polizia chantunala. Persunas na sajan betg vegnidas blessadas.

La stalla ad Arth en flommas.
Legenda: Per ils portgs en la stalla è mintg'agid vegnì memia tard. POCHA SVIZ

Cura ch'ils pumpiers èn arrivads al lieu brischava gia l'entir bajetg. Ils 170 animals n’han betg pudì vegnir spendrads ed èn crappads en las flommas. Il pur pertutgà ha pudì metter sias maschinas agriculas en il liber durant l’incendi.

Raschun nunenconuschenta

Tut en tut èn 120 persunas stadas en acziuns. Per sclerir la raschun da l'incendi èn ils spezialists da l'institut forensic a Turitg vegnids clamads. Gia avant 2 dis aveva ina stalla ars ad Arth.

RR novitads 07:30