L’onn che vegn mida la Posta Svizra ses logo. Quai a chaschun da ses 175avel giubileum. Il logo modernisà saja pli frestg, pli cumpact ed er applitgabel per chanals digitals. La colur melna restia. Quai gidia a renconuscher ed identifitgar subit la posta.
Il logo gidia er a reducir custs, fin ussa duvrava la posta 15 variantas da ses logo, en avegnir be pli ina. Il logo nov duai vegnir introducì pass per pass durant ils proxims tschintg onns e duvrà l’emprim sin ils chanals digitals. Ils autos da posta vegnian a duvrar per part il nov logo e per part il logo vegl cun il corn da postigliun.